INGELESA:

Testuliburuen, multimedia materialen eta CLILen bidez ikasten da

(Hizkuntzaren eta edukiaren ikaskuntza integratua).

Lehen Hezkuntzako 3. mailatik aurrera, curriculum-saioei astean ordubete gehitzen zaie, hizkuntzaren trebetasunak sustatzeko.

Lehen Hezkuntzako gure metodologia adimen anitzetan, proiektuen bidezko lanean eta pentsamendu kritiko eta sortzailearen garapenean oinarritzen da. Hori guztia ikerketaren, esperimentazioaren, komunikazio-trebetasunen garapenaren, jakin-mina estimulatzearen, hainbat testuingururekin konektatzearen eta teknologia ikasteko tresna gisa erabiltzearen bidez.

Aniztasuna aberastasun gisa onartzen dugu. Langile espezializatuak ditugu gure haurren beharrei modu pertsonalizatuan erantzuteko eta haien gaitasunak ahalik eta gehien garatzeko.

Inklusioaren eta banakako arretaren alde egiten dugu.

Hezkuntza premia bereziak dituzten ikasleentzako gela. Talde txikian eta giro oso egituratuan lan egiten da, banakako beharrei egokitutako hezkuntza-erantzuna emanez.

Euskara hizkuntza minorizatua den heinean, euskararen normalizazioa helburu duen proiektua da Ulibarri. Gure helburu nagusia Santa Teresa Ikastetxeko euskararen ezagutza eta erabilera indartzea da, ikastetxearen eguneroko jardunean, esparru guztietan eta hezkuntza komunitate osoa aintzat harturik.

Hori egin ahal izateko, lau urtetik behin Hizkuntza Normalizazio Proiektua egiten dugu (HNP) eskolako diagnosia eginez eta hori hobetzeko erabakiak eta ekintzak adostuz. Bestalde, ikasturtero Hizkuntza Normalizazioko Plana idazten dugu, proiektuan zehaztutako helburuak betetzeko.

Donostia eta Donostialdean euskararekin loturiko ekimenen berri ematen dugu eta hainbat proiektutan parte hartzen dugu: Korrika, Euskararen Eguna, Euskaraldia, Euskal Barnetegiak, Irale programa etab. Gainera, eskolako ospakizunetan Kuxkuren presentziari garrantzia ematen diogu.

Tutoretza plan propioa, gure ikasleak osotasunean hezteko eta haien hazkunde pertsonal, sozial eta emozionalean laguntzeko diseinatua.

Laguntza pertsonalizatua emateaz gain, astero talde-tutoretzako saio bat egingo dugu ikasgelan.

Gure “Begira” bitarteko planak ikasleei barrutik elkar ezagutzen eta barne-aberastasuna ezagutzen laguntzea du helburu, besteengana eta mundura hurbiltzen laguntzeko.

Gure emaitzak bikainak dira.

Ikasturte bakoitzean egiaztatzen dugu, bai Eusko Jaurlaritzaren Lehen Hezkuntzako 4. mailako Ebaluazio Diagnosikoaren bitartez, bai etapako kurtsoetan FETek egiten dituen ebaluazioetan.

Lehen Hezkuntzan, gaitasun digitala lantzen da etapa osoan. Azken bi ikasturteetan, 5. eta 6. mailetan, ikasle bakoitzak bere Chromebook gailua du, eta aurreko ikasturteetan ikasleek eskura dituzte tabletak hainbat proiektu egiteko. Ikasgela guztiek arbel digitala eta wifia dute. Gure ikasleak tresna digitalak arduraz erabiltzeko, informazioa jarrera kritikoarekin eskuratzeko eta proiektuetan parte hartzeko gai izan daitezen hezten ditugu, lankidetzan jardunez, ingurune digital mugatuetan produktuak eta edukiak sortuz.

Gure hezkuntza-lanaren lehentasun dira osasun-baldintzak hobetzea eta ikasleengan bizi-ohitura osasungarriak ezartzea.

Curriculumaren hezkuntza-ekintzaren eta beste kultura- eta kirol-jarduera batzuen bidez jarduten dugu, hala eskolakoak nola eskolaz kanpokoak, prebentzio- eta osasun-tailerrak, dieta osasungarriak gure eskola-menuan eta menu bihotz-osasungarriak.

Jasangarritasuna eta elkartasuna. Gure mutilek eta neskek mundua keinu txikiz aldatzeko gaitasuna aurkitu dute etapa honetan. Beren buruaz haraindi begiratzen ikasten dute, inguruan dituzten beharrak ezagutuz, eta hainbat ekintza solidario eta iraunkorren bidez konpromiso aktiboa hartuz.

2030 Agenda garapenerako nazioarteko agenda berria da, eta 2015eko irailean onartu zen Nazio Batuetan. Agenda honen helburua mundu osoan giza garapen jasangarriaren alde borrokatzeko tresna bat izatea da, eta pobrezia errotik desagerraraztea, ahultasunak eta desberdintasunak murriztea eta jasangarritasuna sustatzea ditu funtsezko oinarri. Aukera paregabea da 2030. urtea baino lehen mundua eraldatzeko eta pertsona guztientzako giza eskubideak bermatzeko. 2030 Agenda unibertsala da

Gure ikastetxean, etapaz etapa, jarduera ezberdinak egiten ditugu helburua lantzeko: ipuinak, fitxak, bideoak, irteerak, boluntario lanak, etab. Ikasturtero helburu bat lantzen da (17 helburu daude guztira). Ikasturte amaieran udal pleno batera eramaten dira eskolan dauzkagun gaiarekiko kezka, eskaera eta konpromezuak.

Antzerki Tailerra Lehen Hezkuntzan egiten den proiektu bat da.

Ikasleen garapen pertsonala erraztea eta eragin positiboa izatea arlo akademikoan zein pertsonalean du helburu.

Ikaskidearekiko errespetua, tolerantzia, lotsa eta barregarri geratzeko beldurra lantzen ditugu eta bide batez kontzentrazioa, autoestimua, itxaroten jakitea eta talde-lana sustatzen dira. Antzerkia tresna bikaina da ahozko hizkuntza zein gorputz espresioa lantzeko.

Lehen Hezkuntzako 5. mailako ikasleek “Gu ere bertsotan proiektuan parte hartzen dute, helburuak hauek direlarik:
● Euskal kulturaren transmisioa bertsolaritzaren bidez.
● Bertso moten ezaugarriak aztertu eta bertso mota ezberdinak sortzea.
● Euskara hizkuntza-gaitasuna garatzea.

Aitor Mendiluze bertsolariak eta ikastetxeko bertsolaritza irakasleak eramaten dituzte saioak.

Ikasturte amaieran, ikasleen bertsolaritza-saio bat egiten dute ikastetxeko gainerako ikaskideen aurrean, eta eskola arteko bertsolaritza-jaialdi batean parte hartzen dute Donostiako Antzoki Zaharrean.

Donostiako udalarekin batera prebentzio programa bat eskaintzen dugu, haurren eta nerabeen eta haien familien zailtasun-egoerak garaiz detektatzea eta esku hartzea bultzatzen duena.

Familiei hezkuntza- eta babes-lanetan laguntza ematen dien programa da, tratu ona eta gurasotasun positiboa sustatuz.

Programa honek adin tarte bakoitzarentzat programa eta guraso talde ezberdinak eskaintzen ditu, familien beharrak ahalik eta erantzun eraginkorrena izan dezaten. Bestalde, profesionaloi prestakuntza eta aholkularitza eskaintzen digute, adingabeek dituzten ondoez adierazleak detektatzeko eta hasieran esku hartzeko.

Ikastetxean ASPACEko bi ikasgela izateak Aspaceko ikasleekin batera lan egiteko aukera ematen digu, eta haiekin helburuak, gelak eta kultura- eta jolas-jarduerak partekatzen ditugu… Esperientzia hori oso aberasgarria da Santa Teresako eta Aspaceko ikasle eta irakasleentzat. Batzuek besteengandik ikasten dute, eta bata besteari ditugun aukerak eta elkarren osagarri izateak duen garrantzia baloratzen laguntzen digu.

Proiektuak ikastetxeko metodologia aldatzeko dinamika sustatzen du, konpetentzia bidezko ikaskuntzaren berrikuntza pedagogikoa sustatuz, eta metodologia inklusibo, kooperatibo eta lankidetzaren erabilpena eginez eta Hezkuntza Komunitateko kide guztien arteko talde-lana sustatuz.

Proiektuarekin dugun misioa praktika pedagogikoen transformazio batera iristea da, lan-giroan, motibazioan eta irakasle-ikasle-gurasoen asebetetzean.

Bizikidetzako estilo osasuntsua eta pentsamolde inklusiboa duen zentro bat lortu nahi dugu, ikaskuntza-prozesuekin (proiektuka egindako lana, familien parte-hartzea…) ilusioa izan, hurbileko ingurunearekin konprometitua eta modu solidarioan, eta IKTen eta hizkuntzen erabilera eguneroko kontua izango dena, arestian aipatutako guztiaren zerbitzura.